भटके विमुक्त समाजाच्या नव्या पिढीला शिक्षणाची साथ! ‘भटके विमुक्त दिवस’ निमित्त जळगाव पोलीस दलातर्फे भटके विमुक्त समाजातील गुणवंत विद्यार्थ्यांचा सन्मान करून त्यांना पुस्तके भेट देण्यात आली. पोलीस अधीक्षक श्रीकांत धिवरे यांच्या मार्गदर्शनाखाली झालेल्या या उपक्रमातून शिक्षणाची कास धरा, व्यसन व गुन्हेगारीपासून दूर राहा आणि आत्मविश्वासाने पुढे चला, असा प्रेरणादायी संदेश देण्यात आला. इतिहासाच्या वेदनेतून शिक्षणाच्या प्रकाशाकडे… उज्ज्वल भविष्यासाठी एक नवी वाटचाल!
जळगाव पोलिसांचा ‘Mission RISE X’ उपक्रम! पोलीस अधीक्षक श्रीकांत धिवरे यांच्या मार्गदर्शनाखाली खानदेश एज्युकेशन सोसायटीच्या कॉलेज ऑफ इंजिनिअरिंग अँड मॅनेजमेंट, जळगाव येथे Mission RISE ‘X’ कार्यक्रम उत्साहात पार पडला. अमली पदार्थमुक्त जळगावच्या संकल्पासाठी पोलिसांचा पुढाकार!
कर्तव्य, अधिकार अन् जबाबदारीचा महासंवाद! | ‘पोलीस पाटील मेळावा’ उत्साहात संपन्न. पोलीस अधीक्षक श्रीकांत धिवरे (भा.पो.से.) यांच्या मार्गदर्शनाखाली जळगाव जिल्हा पोलिसांच्या वतीने आयोजित ‘पोलीस पाटील मेळाव्या’ला उत्स्फूर्त प्रतिसाद मिळाला. यावेळी मंत्री गुलाबराव पाटील, मंत्री गिरीश महाजन, मंत्री संजय सावकारे, आमदार सुरेश भोळे, जिल्हाधिकारी रोहन घुगे यांच्यासह मान्यवरांची प्रमुख उपस्थिती होती. ‘पोलीस पाटील मार्गदर्शिका’चे प्रकाशन यावेळी करण्यात आले. गावपातळीवरील पोलीस प्रशासन आणि नागरिकांमधील दुवा अधिक मजबूत करण्याच्या दिशेने हा महत्त्वपूर्ण उपक्रम ठरला.
नशामुक्त जळगाव अभियान! पोलीस अधीक्षक श्रीकांत धिवरे यांच्या मार्गदर्शनाखाली जळगाव जिल्हा पोलीस व वैशाली फाउंडेशन यांच्या संयुक्त विद्यमाने नशामुक्त समाजाच्या निर्मितीसाठी आणि जनजागृतीसाठी विशेष उपक्रम राबविण्यात येत आहे. तरुणाईला व्यसनांपासून दूर ठेवून निरोगी, सुरक्षित आणि उज्ज्वल भविष्य घडविण्याचा हा महत्त्वपूर्ण प्रयत्न आहे. चला, नशामुक्त जळगावच्या संकल्पनेसाठी एकत्र येऊया!
जळगाव जिल्हा पोलीस दलातर्फे आधुनिक शस्त्र प्रदर्शनाचे आयोजन! जळगाव जिल्हा पोलीस दलाच्या वतीने पोलीस कवायत मैदान, जळगाव येथे आयोजित आधुनिक शस्त्र प्रदर्शनाला मा. श्री. आर. एन. जोशी, प्रमुख जिल्हा व सत्र न्यायाधीश, जळगाव तसेच जळगावचे जिल्हाधिकारी मा. श्री. रोहन घुगे यांनी भेट दिली. या प्रदर्शनाच्या माध्यमातून आधुनिक शस्त्रास्त्रे, पोलीस दलाची सज्जता आणि कायदा व सुव्यवस्था राखण्यासाठी वापरण्यात येणाऱ्या साधनांची माहिती जाणून घेण्यात आली. मा. श्रीकांत धिवरे, पोलीस अधीक्षक, जळगाव यांच्या मार्गदर्शनाखाली जळगाव जिल्हा पोलीस दलाच्या वतीने या प्रदर्शनाचे आयोजन करण्यात आले.
